05mars
Hey hó
Mín bíður spennt eftir morgundeginum núna því við ætlum að skella okkur á eyjuna okkar sætu og fínu. Alveg komin tími til að láta sjá sig aðeins í eyjunum.
Við vorum að fá okkur nýtt spil sem heitir Partners. Þið sem hafið gaman af að spila þá mæli ég mjög mikið með þessu spili. Rosalega skemmtilegt.
Þessa dagana í vinnunni er ég að undirbúa Afríkuþema..hehe jebb ég sem gat varla fundið Afríku á landakorti. Hugsið hvað ég á nú eftir að læra mikið á þessu. Alltaf lærir maður eitthvað nýtt og ég mun bara læra með nemendum.
Jæja verð að fara að sinna nemendum mínum..
Síja
28janúar
Mikið ótrúlega langar mig mikið til að fara á skíði.....
Það er búin að vera smá skíðaumræða í vinnunni hjá mér. Ein fór í vikunni að skella sér á skíði og dííí hvað það minnir mig á hvað það er ótrúlega gaman að fara á skíði og maður er svo mikill Vestmannaeyingur í sér að maður fattar bara engan veginn að maður getur bara skellt sér í Bláfjöll og skíðað ef maður vill (ef það er opið). Það er allavega búið að snjóa og snjóa í dag. Mér langaði nú líka alveg hryllilega bara að fara inn í dal og bruna á tuðru. En það er nú því miður ekki í boði, þar sem maður er víst ekki á eyjunni.
´´Eg veit ekki alveg hvað ég á að gera með þetta blogg. Er ekki bara bloggheimurinn að detta út núna vegna fésins??
31desember
Þá er gamlársdagur runninn upp. Mikið ofsalega er jólafríið fljótt að líða, maður er bara á heimleið eftir 4 daga.
Það er frekar mikið rok hérna núna, vonandi lægir eitthvað á eftir og vonandi verður ágætis veður í kvöld þegar nýja árið gengur í garð. Það verður svo miklu skemmtilegra þegar það er hægt að skjóta almenninlega.
Við vorum í jólaboði í gær. Það voru ótrúlega skemmtileg pakkaskipti. Þetta var þannig að allir fengu númer og sá sem var númer 1 var fyrstur til að fá að velja sér pakka og opna hann. Sá sem var svo númer tvö opnaði sinn pakka og ef honum leist betur á pakkann hjá númer 1 þá mátti hann skipta án þess að númer 1 fengi eitthvað um það að segja. Það voru bæði grín gjafir og svo líka flottar og fínar gjafir inn á milli. Ég var svo heppin að vera númer 15 af 18 svo að fáir fengu að stela af mér pakkanum. Ég fékk freyðivín flösku sem margir voru búnir að vera að berjast um. Það var nú frekar fyndið eitt. Það var keyptur pakki sem var svona eiginlega ætlaður Birnu Maríu. Þetta var svona bók með pússli í. Pabbi fékk miða númer eitt og valdi sér óvart pakkann hennar Birnu Maríu. Þá hugsuðum við bara að Birna María gæti þá stolið pakkanum af afa sínum þegar hún fengi sinn pakka. Það var passað upp á að Jakob og Birna María væru síðust að velja sér því þau voru einu börnin. Þegar kom að Birnu Maríu þá nældi hún í síðasta pakkann sem var Nóa kropp og hún var svo hæst ánægð með það að það var sko ekki séns að hún vildi skipta við afa sinn. Þannig að sem betur fer var það afi hennar sem fékk þessa bók því þá fékk hún bara að eiga bæði. Það voru nú líka ýmsar fyndnar gríngjafir eins og klósettpappír og svona dótarí í klósett til að gera lykt en af öllum bar af pakkinn sem pabbi minn sá um að finna. Já hvað dettur ykkur í hug að pakki hafi fundið upp á sem gríngjöf ??? Allavega þá var Birna Ósk frænka sem ákvað að taka pakkann frá pabba þar sem það er greinilegt að hún þekkir hann ekki alveg nógu vel því hún héllt að hann væri pottþétt með eitthvað flott. Hún opnaði pakkann og öskrar svona þvílíkt og hendir pakkanum frá sér. Jamm hún fékk nokkra þorskshausa í pakka hehehe. Þessi maður.....það er ótrúlegt hvað honum dettur í hug.
Annars þá hefur þetta ár bara verið skemmtilegt og ýmislegt á daga okkar drifið. Við byrjuðum árið á að halda uppá 1 árs barnaafmæli sem gekk svona líka vel. Við Birna María skelltum okkur á Tenerife með mömmu og pabba og var það ákveðið með eins dags fyrirvara. Um páskana skelltum við okkur í eyjarnar og höfðum það mega gott og kósý. Ég útskrifaðist sem kennari og byrjaði í haust að vinna við það. Við Unnar skelltum okkur saman tvö til Danmerkur og höfðum það ótrúlega gott. Í sumar keyptum við okkur tjald og fórum í nokkrar skemmtilegar útilegur. Við fórum einnig í rosa flotta bústaðarferð með Oddný, Samma og Evu Natalíu sem var ótrúlega gaman. Unnar skellti sér í eftirminnilega ferð með vinum sínum til London og fór á NFL leik. Systir mín flutti í húsið sem hún og Bjarni eru búin að vera að byggja. Að lokum erum við svo að njóta jólanna hér í eyjum í góðu yfirlæti. Þetta ásamt mörgu öðru stendur uppúr á árinu.
Ég vil svo bara enda þessa færslu með því að óska ykkur öllum gleðilegs árs og Didda mín ég mun sakna þín í kvöld :(
Kveðja
Helga
